İrandan ABŞ-a sanksiya cavabı

"İran xalqı heç vaxt boyun əyməyəcək"
"ABŞ İranda yaşayan bütün kişilərə, qadınlara və uşaqlara da sanksiya tətbiq etsə, heç nəyə nail ola bilməyəcək".
Bu sözləri İranın Xarici İşlər naziri Məhəmməd Cavad Zərif ABŞ-ın yeni sanksiyalarına münasibət bildirərkən deyib.
Yeni sanksiyaları iqtisadi terrorçuluq adlandıran M.C.Zərif bəyan edib ki, İran xalqı zorun və hədə-qorxunun qarşısında heç vaxt boyun əyməyəcək.
Xatırladaq ki, ABŞ-ın Maliyyə Nazirliyi İranın tikinti sahəsinə də sanksiyalar tətbiq edib.