Beyinlə bağlı 100 ildir gizli qalan sirr açıldı
Elm adamlarının bununla bağlı tədqiqatları “Annals of Neurology” jurnalında dərc olunub.
Yeni bir araşdırmada, gicgah payının ən sonunda yerləşən hissənin əvvəllər elmə məlum olmayan funksiyaları yerinə yetirdiyi öyrənilib.
Alimlər bunun üçün alın-gicgah degenerasiyası olan 28 xəstənin beynini tədqiq ediblər. Bu xəstəlik nəticəsində (xəstəliyin irəliləməsi 10-15 il ərzində baş verir) gicgah payının sonundakı bölgə məhv olur.
Xəstəliyin tədqiqi beynin sözlərin mənasını, digər insanların hisslərini, üzlərin kimliyini necə deşifrlədiyini və davranışı tənzimlədiyini başa düşməyə imkan verib. Məlum olub ki, sözügedən fəaliyyətlərə məhz bu kiçik sahə cavabdehdir.
Alimlər tədqiqatlara davam etdiklərini bildiriblər.
