Koronavirusa qarşı vaksinin hazırlanacağı vaxt məlum oldu - RƏSMİ
- 23-07-2020, 10:20
- Manset
Ümumdünya Səhiyyə Təşkilatının (ÜST) Fövqəladə vəziyyətlər üzrə proqram direktoru Maykl Rayan insanların 2021-ci ilin əvvəlindən tez olmayaraq koronavirusa qarşı vaksini almağa başlayacaqlarını bildirib.Azad Səs bu barədə "RİA Novosti"yə istinadən xəbər verir.
Rayanın sözlərinə görə, COVID-19-a qarşı vaksinin hazırlanmasında irəliləyişə baxmayaraq, onun alınmasının müddəti ilə bağlı realist olmaq lazımdır.
"Real ssenari ilə insanlar vaksini növbəti ilin birinci yarısından tez olmayaraq almağa başlayacaqlar", - Rayan “Twitter”də yayımlanan çıxışının gedişatında deyib.
O, həmçinin qeyd edib ki, ÜST vaksinin hamı üçün əlçatan olmasının təminatı üzərində işləyir.
"Bu pandemiyadan vaksinlər zənginlər, kasıblar üçün deyil, onlar hamı üçündür", - Rayan əlavə edib.
Xatırladaq ki, koronavirus infeksiyası ilk dəfə ötən ilin sonlarında Çinin Uhan şəhərində yayılıb. Dünyada 15 milyondan çox insan bu virusun daşıyıcısı kimi qeydə alınıb. Bununla yanaşı, 622,5 mindən çox insan virusdan ölüb.
