Ərdoğan: “Türkiyə İsveçin NATO-ya üzv olmasına ümid edir, lakin ondan konkret addımlar gözləyir”
Türkiyə İsveçin NATO-ya daxil olmasına ümid edir, lakin ondan alyansa üzvlüklə bağlı Madrid memorandumunun həyata keçirilməsi üçün konkret addımlar gözləyir.Bunu Türkiyə Prezidenti Rəcəb Tayyib Ərdoğan İsveçin baş naziri Ulf Kristersson ilə Ankarada danışıqlardan sonra deyib.
“Ümid edirik ki, İsveç NATO-ya üzvlüklə bağlı üç ölkənin (Türkiyə, Finlandiya və İsveç - red.) imzaladığı memorandumun şərtlərini yerinə yetirəcək. Ondan münasibətlərimizdə müttəfiqlik ruhuna cavab verəcək konkret addımlar gözləyirik”, - Ərdoğan əlavə edib.
