“Türkiyə hər təklifə “hə” deyə bilməz”
“Türkiyə NATO daxilində hər təklifə “hə” deyə bilməz”.“Azadsəs.az” “RİA Novosti”yə istinadən xəbər verir ki, bunu Türkiyə Prezidenti Rəcəb Tayyib Ərdoğan deyib.
“Biz hər zaman alyansı dəstəkləyirik. Lakin hər təklifə “hə” deyə bilmərik. Biz terrorçuları dəstəkləyən ölkələrlə ittifaqa “hə” deyə bilmərik”, - deyə Ərdoğan söyləyib.
Onun sözlərinə görə, Finlandiya və İsveç nümayəndə heyətlərinin həmin ölkələrin NATO-ya üzvlüyünü müzakirə etmək üçün Türkiyəyə planlaşdırılan səfərinin mənası yoxdur: “Biz eyni səhvə ikinci dəfə yol verməyəcəyik”.
