Afaq: “Bizim qədər çalışan, iş görən, gecə saat 3-dək ora-bura qaçan yoxdur”
- 21-01-2021, 16:54
- Mədəniyyət
Məşhur aparıcı Afaq Gəncəli aktrisa Pərvin Abıyevanın fikrinə münasibət bildirib.''Azad Səs'' Pravda.az-a istinadən xəbər verir ki, efirlərdən birində qonaq olan aparıcı Pərvinin “Kasıb oğlanla ailə qurmaram” fikirləri ilə razılaşmayıb: "Mən o fikirlə razı deyiləm. Hamı şükür Allaha, bir tikə çörəyini tapıb yeyir. İnsanın ləyaqəti, keyfiyyəti, insalığı olmalıdır. Elə varlı insanlar var ki, sabah bilməyəcəkər nə olacaq. İnsanın mənəviyyatı, şüuru kasıb olmasın”.
Aparıcı sənət adamlarının heç də bahalı həyat yaşamadığını bildirib: “Biz sənət insanları bahalı həyata öyrəşməmişik. Bizim qədər çalışan, iş görən, səhər saat 6-dan oyanıb, gecə saat 3-dək ora-bura qaçan yoxdur. Geyim geyinib, makiyaj etmək, bu demək deyil ki, bahalı həyat yaşayırıq. Bizdən çox işləyən yoxdur. Səhərdən gecəyə qədər çalışırıq".
