Nepalda göyərtəsində 22 nəfərin olduğu təyyarə yoxa çıxdı - YENİLƏNİB

Nepal hökuməti uçuşdan dərhal sonra yoxa çıxan “Tara Air” aviaşirkətinə məxsus sərnişin təyyarəsinin təxmini qəza yerini tapıb.

Məlumata görə, Himalay dağının Manapati ətəyinin yaxınlığında yerləşən kəndin sakinləri Lyanku Xola çayının mənbələrinin yaxınlığında yanan təyyarə görüblər.

Xilasedicilərin artıq əraziyə yollandığı bildirilir. Nepalın Mülki Aviasiya İdarəsi də öz mütəxəssislərini ora göndərib. Lakin qeyd edib ki, təyyarənin axtarışına pis hava şəraiti və çətin relyef mane olur.

Eyni zamanda, “Tara Air”in sözçüsü yerli sakinlərin gördüyü yanğının sakinlərdən və ya çobanlardan birinin yandırdığı ocaq ola biləcəyini də istisna etməyib.

14:28

Nepalda özəl aviaşirkət “Tara Air”in təyyarəsi yoxa çıxıb.

İlkin məlumatlara görə, təyyarədə 3 ekipaj üzvü, 13 Nepal, 4 Hindistan və 2 Almaniya vətəndaşı olub.

Mənbələrin bildirdiyinə görə, Kanada istehsalı olan kiçik “Twin Otter” təyyarəsi Pokharadan Comsoma uçarkən itib.

Hazırda onun axtarışı davam edir.