Süleymaninin qisası alınmayacaq – İrandan iddialara RƏSMİ CAVAB
- 14-09-2020, 14:16
- Dünya
İran Xarici İşlər Nazirliyi “Politico” qəzetinin ABŞ-ın Cənubi Afrikadakı səfirinə sui-qəsd təşəbbüsü ittihamları ilə bağlı açıqlama yayıb.''Azad Səs'' Hokm.az-a istinadən xəbər verir ki, bu barədə İran Xarici İşlər Nazirliyinin rəsmi nümayəndəsi Səid Xətibzadə danışıb.
Açıqlamada ittihamların əsassız və ABŞ hökumətinin qaralama kampaniyasının bir hissəsi olduğu bildirilib: “Gələcəkdə yenidən istifadə edilməsi ehtimalı olan bu cür üsullar, şübhəsiz ki, effektiv olmayacaq və rəsmi Vaşinqtonun İranla qarşıdurmasındakı uğursuzluqlar siyahısına əlavə ediləcək”.
Qeyd edək ki, “Politico” qəzeti ABŞ xüsusi xidmət orqanlarının nümayəndələrinə istinadən İran rəsmilərinin İslam İnqilabı Keşikçiləri Korpusunun “Əl-Qüds” Xüsusi Təyinatlı Qüvvələrinin komandanı Qasım Süleymaninin qətlinə cavab olaraq Amerikanın Cənubi Afrikadakı səfiri Lana Marksa qarşı sui-qəsd təşkil edilməsi ehtimalını nəzərdən keçirdiyi barədə məlumat yayıb.
