Qırğızıstan prezidenti Çinə dövlət səfəri edəcək

Qırğızıstan prezidenti Sadır Japarov fevralın 4-dən 7-dək Çində dövlət səfərində olacaq.

“Report” xəbər verir ki, bu barədə Çin Xalq Respublikasının Xarici İşlər Nazirliyinin mətbuat xidməti məlumat yayıb.

“Çin sədri Si Cinpinin dəvəti ilə Qırğızıstan Prezidenti Japarov fevralın 4-dən 7-dək Çinə dövlət səfəri edəcək”, - məlumatda deyilir.

Eyni zamanda, nazirlik müzakirə ediləcək mövzularla bağlı təfərrüatları açıqlamayıb.