Türkiyə Belarusa sanksiyalarla bağlı kömək etməyə hazırdır

Türkiyə Belarusdan kalium gübrələrinin tədarükünə qoyulan məhdudiyyətlərin aradan qaldırılmasına yardım edəcəyinə söz verib.

“Report” xəbər verir ki, bunu Belarusun xarici işlər naziri Sergey Aleynik “ONT” telekanalında deyib.

“Türkiyə kalium gübrələrinə qoyulan məhdudiyyətlərin aradan qaldırılmasında bizə kömək etməyə hazır olduğunu tam təsdiqləyib”, - deyə o qeyd edib.

Nazirin sözlərinə görə, bu kənd təsərrüfatı məhsulları ərzaq və təhlükəsizlik üçün zəruri hesab olunur. S. Aleynik qeyd edib ki, bu, xüsusilə qlobal Cənub ölkələri üçün vacibdir.