Abramoviç Türkiyədə taxıl dəhlizi sazişinin imzalanması mərasimində görünüb
Rusiyalı iş adamı Roman Abramoviç İstanbulda Ukrayna taxılının Qara dəniz vasitəsilə ixracına dair müqavilənin imzalanması mərasimində iştirak edib.Xarici KİV-in məlumatına görə, Abramoviç Rusiya və Ukraynanın ayrı-ayrılıqda müqavilə imzaladığı mərasim zamanı zaldakı oturacaqların ön sıralarında əyləşib.
Qeyd edək ki, iyulun 22-də Türkiyə, Rusiya, BMT və Ukrayna arasında kənd təsərrüfatı məhsulları və gübrələrinin ixracına qoyulan məhdudiyyətlərin aradan qaldırılmasını, eləcə də Ukrayna taxılının ixracının asanlaşdırılmasını nəzərdə tutan sənədlər imzalanıb.
