Belarus hələ KTMT-ya müraciət göndərməyib
- 23-08-2020, 16:32
- Siyasət
Belarus ölkədəki daxili siyasi vəziyyətlə əlaqədar kömək üçün Kollektiv Təhlükəsizlik Müqaviləsi Təşkilatına (KTMT) müraciət göndərməyib.“Azad Səs” “TASS”a istinadən verdiyi məlumata görə, bunu KTMT-nın baş katibi Stanislav Zas deyib.
“Kömək göstərmək üçün mexanizmlərimiz mövcuddur. KTMT tərəfindən təmin edilə biləcək hər hansı bir yardım yalnız dövlətin tələbi əsasında təşkil edilir. Hələlik Belarusdan belə bir müraciət yoxdur. Əminəm ki, Belarus bu problemlərin öhdəsindən yalnız özü gələcək”, Zas bildirib.
Qeyd edək ki, 16 avqust tarixində Belarus prezidenti Aleksandr Lukaşenko və Rusiyanın dövlət başçısı Vladimir Putin arasında yenidən telefon danışığı olub.
Bildirilib ki, xarici təhdidlər baxımından vəziyyətin gərginləşəcəyi təqdirdə Rusiya Belarusa İttifaq dövlətin yaradılması haqqında müqavilənin və Kollektiv Təhlükəsizlik Müqaviləsi Təşkilatı (KTMT) xətti ilə problemlərin həllində kömək etməyə hazır olduğunu təsdiqləyib.
Xatırladaq ki, avqustun 9-da Belarusda prezident seçkiləri keçirilib. İllər sonra ölkədə böyük maraqla qarşılanan seçkilərdə, yekun nəticələrə görə, hazırkı Prezident Aleksandr Lukaşenko 6-cı dəfə qalib olub. Bunun nəticəsində ölkənin bir sıra bölgələrində kütləvi dinc etirazlar başlayıb. Polislə qarşıdurmaya çevrilən nümayişlərdə minlərlə insanın saxlanıldığı, 1 nəfərin öldüyü, onlarla insanın yaralandığı bildirilir.
Müxalifətdənolan A.Lukaşenkonun əsas rəqibi Svetlana Tixanovskaya güc strukturlarına üz tutaraq xalqa qarşı güc tətbiq etməməyə çağırıb.
Etirazlar fonunda ölkənin MSK sədri Lidiya Yermoşına Hökumət evindən təxliyə edilib. Seçkilərdən iki gün sonra S.Tixanovskaya təhlükəsizlik məqsədilə ölkəni tərk edərək Litvaya üz tutub.
