FED ABŞ-nin bank sisteminə təhlükə barədə xəbərdarlıq etdi

“Ayrı-ayrı bankların problemləri həll olunmazsa, ABŞ bank sistemi təhlükə altına düşə bilər”.

Bu barədə mətbuat konfransında ölkənin mərkəzi bankının funksiyalarını yerinə yetirən Federal Ehtiyatlar Sisteminin (FED) sədri Cerom Pauel bəyan edib.

Onun sözlərinə görə, hazırda bu sistemin sabitliyi müəyyən edilsə də, ölkənin maliyyə tənzimləyicisi vəziyyəti düzəltmək üçün bütün lazımi tədbirləri görməyə hazırdır.

“Son iki həftə ərzində az sayda bankla bağlı ciddi çətinliklər yaranıb. Tarix göstərir ki, banklarla bağlı təcrid olunmuş problemlər həll edilməzsə, bankların sağlamlığına, bütün bank sisteminin ev təsərrüfatlarının və bizneslərin əmanət və kredit ehtiyaclarının dəstəklənməsində mühüm rol oynama qabiliyyətinə inamı sarsıda bilər”, - deyə o bildirib.

“Bank sistemimiz sabit kapital və likvidliklə güclüdür. Biz bank sistemindəki şərtləri yaxından izləməyə davam edəcəyik və lazım gələrsə, onun təhlükəsizliyini qorumaq üçün bütün alətlərimizdən istifadə etməyə hazırıq", - deyə FED rəhbəri əlavə edib.