Deputat: “5-ci kolon”un nümayəndələrinin bu istiqamətdə işləri göz qabağındadır
- 21-09-2020, 12:14
- Siyasət
XXI əsrdə insanların, xüsusilə gənc nəslin ayrı-ayrı beynəlxalq təşkilatlar və fondlar tərəfindən beyinlərinin yeyilməsi üçün xüsusi qruplar fəaliyyət göstərir.''Azad Səs'' Pravda.az-a istinadən xəbər verir ki, bunu Milli Məclisin Gənclər və İdman komitəsinin iclasında deputat Cavid Osmanov deyib.
O bildirib ki, Azərbaycanın daxilində də belə qurumlar var və bu istiqamətdə işlər görür: “Xüsusilə istər xaricdə, istərsə də daxildə fəaliyyət göstərən bu qruplar dövlətə və dövlətçiliyə qarşı xain mövqe tutub. “5-ci kolon”un nümayəndələrinin bu istiqamətdə işləri göz qabağındadır. Bölgələrdə gənclərlə işləyən bir çox qurum var. Artıq yerlərdə Gənclər və İdman İdarəsi, İcra Hakimiyyəti yaxud Gənclər mərkəzlərinin nəzdində gənclər yetişdirməliyik. Bununla gəncləri ətrafımızda daha yaxşı birləşdirə bilərik. Qısa müddətdə bölgələrdə yeni peşəkar gənclərin yetişdirilməsinə müsbət töhfə verə bilərik. Bu, bu günün ən aktual vzularından biridir”.
