Şinləri xarab olan maşın üç tələbəni vurdu
Gəncədə piyadaların vurulması ilə nəticələnən ağır qəza baş verib.“Azadsəs.az”ın APA-ya istinadən xəbərinə görə, hadisə Fətulla Həsənov küçəsində qeydə alınıb.
Hərəkətdə olan “Mercedes” markalı avtomobil yol kənarında dayanan üç tələbəni vurub.
Hadisəyə səbəb avtomobilin şinlərindəki nasazlıq olub.
Qəza zamanı Bakı şəhər sakini, 2002-ci il təvəllüdlü Rzayev Eltun Arif oğlu, Şəki sakini, 2003-cü il təvəllüdlü Məmmədov Pərvin Kamal oğlu və Tovuz sakini, 2002-ci il təvəllüdlü Musayev Təbriz Pərviz oğlu müxtəlif dərəcəli bəədən xəsarətləri ilə xəstəxanaya yerləşdirilib.
Onlardan Rzayev Eltunun vəziyyəti ağırdır.
Məlumata görə, piyadalar Azərbaycan Dövlət Aqrar Universitetinin tələbələridir.
Faktla bağlı araşdırma aparılır.
