Sloveniyaya təbii fəlakətin vurduğu ziyan yarım milyard avronu ötəcək
- 5-08-2023, 19:25
- Dünya
“Report” xəbər verir ki, bu barədə Sloveniya Milli Təhlükəsizlik Şurasının geniş tərkibdə iclasının sonunda baş nazir Robert Qolob bildirib.
“Sloveniya yaxın tarixinin ən böyük təbii fəlakəti ilə üz-üzədir. Zərər ağlasığmazdır. O, mütləq 500 milyon avronu keçəcək. Qanunvericiliyə dəyişikliklər hazırlanır. Hökumət bu gün təbii fəlakətlərin aradan qaldırılması haqqında qanuna ilk düzəlişi nəzərdən keçirəcək”-deyə, o bildirib.
Baş nazirin sözlərinə görə, Sloveniyanın şimalındakı Çrna-na-Koroşkem bələdiyyəsinin ölkənin digər hissəsi ilə hələ də əlaqəsi yoxdur. Hakimiyyət orqanları yaşayış məntəqəsinə lazımi əşyaları və texnikanı hava yolu ilə çatdırmağı qərara alıblar.
