Lukaşenko Belarus konstitusiyasını dəyişdirməyi təklif etdi
- 4-08-2020, 09:17
- Dünya
Belarus Prezidenti Aleksandr Lukaşenko yaxın beş ildə ölkə konstitusiyasında dəyişikliklər edilməsini təklif edib.Bu barədə onun “Zvyazda” qəzetində dərc olunan seçki proqramında qeyd olunur.
Lukaşenkonın sözlərinə görə, belaruslar ölkənin taleyi üçün məsuliyyət daşımağa hazırdırlar:
“Bu məsuliyyət dərəcəsini insanların özləri təyin edəcəklər. Amma qanun çərçivəsində. Küçələrdə və meydanlarda deyil, hüquqi münasibətlər yolu ilə. Konstitusiyadan başlayaq”.
Belarus prezidenti qeyd edib ki, ölkə sakinləri öz hüquqlarını, azadlıqlarını və vəzifələrini, habelə referendum zamanı dövlət orqanlarının səlahiyyətlərini təyin edəcəklər.
Aleksandr Lukaşenko 1994-cü ilin iyulundan bəri daimi olaraq Belarus prezidenti postunu tutur. İndi o, 2020-ci ildə başa çatacaq beşinci prezidentlik dövründədir.
