Gürcüstanda 4 azərbaycanlıda koronavirus şübhəsi

Tiflisdə 10 nəfər xəstəxanaya yerləşdirilib
Ötən gecə Tiflisdə İnfeksion Xəstəliklər Xəstəxanasına daha 10 nəfər yerləşdirilib. Bu barədə Gürcüstanın Səhiyyə naziri Yekaterina Tikaradze məlumat verib. 
Nazirin sözlərinə görə, həmin şəxslərdən 5-i İtaliyadan qayıdıb, onlardan 1-i İtaliya, 4-ü Gürcüstan vətəndaşıdır. Beş nəfər isə İrandan qayıdıb. Onlardan 1-i Gürcüstan, 4-ü isə Azərbaycan vətəndaşıdır.
Xatırladaq ki, Azərbayacanın qonşusunda minlərlə insanın ölümünə səbəb olan virus aşkar edilib. Xəstəliyin aşkarlandığı 50 yaşlı şəxs fevralın 25-də İrandan Azərbaycana, buradan isə Gürcüstana keçib. O, Tiflisdə  xəstəxanaya yerləşdirilib.
Bu günə kimi adıçəkilən virus Çində 2 744 nəfərin ölümünə səbəb olub. Virusa yoluxmuş 32,4 min nəfər sağalaraq xəstəxanalardan evə buraxılıb.