Zəfər paradının mesajları - VAHİD ƏHMƏDOV
- 10-12-2020, 16:32
- Cəmiyyət
"Zəfər paradının çox böyük əhəmiyyəti var. Hesab edirəm ki, dünya tarixinin ən yaddaqalan paradlarından olacaq bizim Zəfər paradı. Şəhidlərimizin xatirəsini yad edilməsi, zəfərimizin bir daha dünyaya çatdırılması, eyni zamanda, Rəcəb Taib Ərdoğan və İlham Əliyevin birlikdə dünyaya çatdırdığı mesajlar var idi bu paradda ".''Azad Səs'' Modern.az-a istinadən xəbər verir ki bu sözləri açıqlamasında Milli Məclisin deputatı Vahid Əhmədov Zəfər paradı haqqında danışarkən deyib. Onun sözlərinə görə, Ərdoğanın bu paradda mehmetcilərlə iştirak etməsi dünyaya xüsusi mesaj idi.
“Ərdoğan bildirdi ki, biz Azərbaycanla birlikdəyik və hər zamanda birlikdə olacağıq".
Deputat deyib ki, paradda erməni avtomobillərinə məxsus nömrə nişanlarının və qənimət kimi götürülmüş düşmən texnikasının nümayiş olunması da çox önəmli məsələlərdəndir.
“Ümumiyyətlə, parad çox yüksək səviyyədə keçdi, həm xalq, həm də dünya üçün bir mesaj idi ki, Azərbaycan kifayət qədər güclü orduya sahib olan bir dövlətdir. Azərbaycanın Ali Baş Komandanı cənab İlham Əliyev ordumuzun güclənməsi üçün əlindən gələn hər şeyi edir, ordu kifayət qədər müasir silahlarla təmin olunur".
V.Əhmədov onu da vurğulayıb ki, Ermənistan bu müharibədə faktiki olaraq kapituliyasiyaya uğrayıb.
Deputatın sözlərinə görə, dünyada Azərbaycana mane olan dövlət var ki, Zəfər paradı onlara mesaj oldu: Azərbaycan və Türkiyə qardaş dövlətlərdir və hər zaman bir yerdə olacaqlar”.
