Paşinyan: “İrəvan Bakı ilə dövlətlərarası əlaqələr qurmağa razıdır”
“İrəvan Rusiya Federasiyasının təklif etdiyi prinsiplər əsasında Bakı ilə dövlətlərarası münasibətlər qurmağa razıdır”.Bu barədə Ermənistanın baş naziri Nikol Paşinyan “Twitter” hesabında bildirib.
O həmçinin qeyd edib ki, bunu Soçidə təsdiqləməyə də hazırdır.
“Ermənistan sentyabrın əvvəlində Rusiya Federasiyasının təqdim etdiyi Ermənistan və Azərbaycan arasında dövlətlərarası münasibətlərin qurulması üzrə əsas prinsiplər və parametrlər əsasında işləməyə razılıq verib və bunu Soçidə təsdiqləməyə hazırdır. Ümid edirik ki, Rusiya öz təkliflərinin üzərində dayanacaq”, - deyə Paşinyan qeyd edib.
