Ukraynada müharibədən zərər çəkən uşaqların sayı minə yaxınlaşır
Rusiya Federasiyasının genişmiqyaslı silahlı təcavüzündən minə yaxın ukraynalı uşaq zərər çəkib.Bu barədə Ukraynanın Baş Prokurorluğu məlumat yayıb.
“Rusiya Federasiyasının dövlətimizə genişmiqyaslı silahlı təcavüzü nəticəsində Ukraynada 994 uşaq zərər çəkib. 9 iyul 2022-ci il səhər saatlarına olan məlumata görə, uşaq qurbanların gündəlik rəsmi sayı dəyişməyib - 347. Xəsarət alanların sayı isə artaraq 647 olub”, - deyə məlumatda bildirilir.
Bu rəqəmlər yekun deyil, çünki müvəqqəti olaraq işğal olunmuş və azad edilmiş ərazilərdə, aktiv döyüş əməliyyatlarının aparıldığı bölgələrdə bu sayın müəyyənləşdirilməsi üzrə işlər davam edir.
