Xankəndidə iş başa çatdı - Nazirlikdən SON AÇIQLAMA
- 23-12-2020, 09:48
- Siyasət
Rusiya Müdafiə Nazirliyinin Beynəlxalq Ərazilərinin Minalardan Təmizlənməsi Mərkəzinin mütəxəssisləri Dağlıq Qarabağ ərazilərinin minalardan təmizlənməsi üzərində işlərini davam etdirir.''Azad Səs'' Publika.az-a istinadən xəbər verir ki, artıq Xankəndi şəhərinin şimal hissəsində təmizlənmə işləri başa çatıb.
Rusiya Müdafiə Nazirliyinin mətbuat xidmətindən verilən məlumata görə, əməliyyat zamanı mühəndis bölmələri 260 hektar ərazini, 100 kilometrə yaxın yolu, 434 mənzil tikintisini təmizləyib.
8,6 mindən çox partlayıcı maddənin tapılaraq zərərsizləşdirildiyi qeyd olunur.
Əməliyyat zamanı sülhməramlılar dağlıq ərazilərdə və kəskin hava şəraitində belə işləyən yüksək səviyyəli mina təmizlənməsini təmin edən müasir robot sistemlərindən istifadə edir.
"Aşkarlanan partlayıcı obyektlər və partlamamış döyüş sursatları xüsusi təchiz edilmiş poliqonda məhv edilir. Evakuasiya edilə bilməyən döyüş sursatları təmin edilən bütün lazımi təhlükəsizlik tədbirləri ilə yerində məhv edilir", - açıqlamada deyilir.
