“Türkiyə və Azərbaycan dünyanın can damarını əlində tutub”
- 20-10-2020, 11:06
- Manset
“Tarixin axınının dəyişdiyi günlərdən keçirik”.''Azad Səs'' “Qafqazinfo”-ya istinadən xəbər verir ki, bunu Milli Məclisin bugünkü iclasında Türkiyə Böyük Millət Məclisinin sədri Mustafa Şentop deyib.
O bildirib ki, insanlıq yeni arayışlar içərisindədir: “İkili standartlardan uzaq, bütün insanların bərabərliyinə dayanan dünyanın qurulması gərəkir. Dünyanın geopolitik və ekonomik nizamı sürətli şəkildə Asiyaya axır. Bəzi siyasət alimləri tərəfindən 21-ci əsr “Asiya əsri” kimi adlandırılır.
Türkiyə və Azərbaycan dünyanın can damarını əlində tutmaqdadır. Bilsinlər ki, nə Azərbaycan nə 30 il əvvəlki Azərbaycandır, nə Türkiyə, nə də dünya 30 il əvvəlki dünyadır. Biz birlikdə səsimizin nə qədər gur olduğunu dünyaya bəyan edəcəyik. Biz hər zaman haqdan, həqiqətdən, sülhdən yanayıq. Azərbaycanı dəstəkləyəcəyik. Zəfərə qədər Azərbaycan necə istəyirsə, o cür də Azərbaycanın yanında olacağıq. Üçrəngli bayraq Qarabağda dalğalanacaq. Qarabağ Azərbaycandır!”
