Baş nazir Attal: Fransada terror təhlükəsi ən yüksək səviyyəyə çatdırılıb
“Report” xəbər verir ki, bu barədə Fransanın Baş naziri Qabriel Attal sosial şəbəkədə bildirib.
“Moskvada baş vermiş terror aktından sonra Fransa Prezidenti bu gün axşam (martın 24-də – red.) Yelisey sarayında Milli Müdafiə və Təhlükəsizlik Şurasının iclasını çağırıb. “İslam Dövləti” (İŞİD – red.) məsuliyyəti öz üzərinə götürdüyünə və ölkəmizin üzləşdiyi təhdidlərə görə “Vigipirate” [terrorla mübarizə planının] səviyyəsini ən yüksək – “təxirəsalınmaz hücum təhlükəsi” səviyyəsinə qaldırmaq qərarına gəldik”, – siyasətçi diqqətə çatdırıb.
