Yaşar Gülər İraqda yeni əməliyyatın anonsunu verib: Bu yay terror problemi ortadan qalxacaq
- 11-03-2024, 15:30
- Dünya
“Report” xəbər verir ki, bunu Türkiyənin milli müdafiə naziri Yaşar Gülər jurnalistlərə açıqlamasında deyib.
O, sərhədlər xaricində yeni əməliyyatların başlanacağını istisna etməyib: “Bunun üçün kimsədən icazə almayacağıq. Artıq Türkiyə terrorla mübarizədə yeni bir səhifə açmalıdır. Prezidentimiz də belə düşünür. Ən qısa zamanda bu işi bitirib, Türkiyəni terror bəlasından xilas edəcəyik. Son 5-6 ildir ki mübarizə aparırıq”.
Nazir bildirib ki, ABŞ İŞİD-lə mübarizə adı ilə PKK/YPG/SDG terror təşkilatlarını dəstəkləməyə davam edir: “Bir terror təşkilatı ilə mübarizə aparmaq üçün başqasından istifadə etmək doğru deyil. Bunun bəhanəsi yoxdur. İŞİD-lə mübarizə aparan tək ordu Türkiyə Silahlı Qüvvələridir”.
