Kamran Əliyev: "Son 21 ildə prokurorluq orqanlarına 1 203 nəfər işə qəbul edilib"
"Report" xəbər verir ki, bu barədə Baş prokuror Kamran Əliyev yanvarın 15-də prokurorluq orqanlarına qulluğa yeni qəbul olunmuş gənclərin andiçmə mərasimində çıxışı zamanı bildirib.
Onun sözlərinə görə, son 21 ildə prokurorluğa 1 203 nəfər işə qəbul edilib: "Onların 1 097-si kişi, 106-sı isə qadındır. Hazırda onlardan 1 009 nəfəri prokurorluq orqanlarında əmək fəaliyyətini davam etdirir. Müsabiqə yolu ilə prokurorluq orqanlarına qəbul olunmuş şəxslər prokurorluğun kadr korpusunun 89.1 %-ni təşkil edir".
