Azərbaycan millisi FIFA reytinqində altı pillə irəliləyib
Bu barədə qurumun rəsmi saytı məlumat yayıb.
Bildirilib ki, yığma 114-cü mövqedə qərarlaşıb.
Hazırda baş məşqçisi olmayan komanda 1174,22 xala malikdir. Milli AVRO-2024-ün son matçlarında İsveçə Bakıda 3:0 hesabı ilə qalib gəlib, səfərdə Belçikaya yenilib - 0:5.
Argentina yığması (1855,20) liderliyini qoruyub. Fransa (1845,44) ikinci, İngiltərə (1800,05) isə üçüncüdür
Belçika (1798,46) dördüncüdür, beşqat dünya çempionu Braziliya (1784,09) beşinci pilləyə düşüb.
Xatırladaq ki, AFFA İcraiyyə Komitəsi noyabrın 22-də millinin baş məşqçisi Canni De Byazi ilə yolları ayırıb. Yığma onun rəhbərliyi altında AVRO-2024-ün seçmə mərhələsində 7 xalla F qrupunda 4-cü yeri tutub.
