Türkiyəli hərbçi: “Qarabağda terrora başlayan Ermənistan artıq ağ bayraq qaldırmalıdır”
“Report”un Ankara bürosu xəbər verir ki, bu fikirləri Türkiyənin “HaberGlobal” televiziyasında çıxış edən ehtiyatda olan polkovnik Ünal Atabay bildirib.
Azərbaycan Prezidenti İlham Əliyevlə ABŞ-ın dövlət katibi Antoni Blinkenin telefon danışığını xatırladan Ü.Atabay deyib ki, Azərbaycan liderinin səsləndirdiyi faktlar, arqumentlər Azərbaycanın antiterror əməliyyatını başlatmasında nə qədər haqlı olduğunu bir daha sübut edir:
“Ermənistan tərəfindən Azərbaycanın Qarabağ iqtisadi bölgəsində törədilən davamlı təxribat əməliyyatlarının qarşılığında rəsmi Bakı sadəcə legitim hərbi hədəfləri zərərsizləşdirir və mülki obyektlərə toxunmur. Bu, Azərbaycanın yüksək mübarizə etikasının da nümunəsidir. Doğruya zaval yoxdur. Qəhrəman Azərbaycan ordusunun haqlı mübarizəsinə uğurlar diləyirəm, ümid edirəm ki, bölgədə daimi sülh bərqərar olacaq”.
