Pakistanda inflyasiya 49 ilin rekordunu üstələdi
- 2-03-2023, 10:32
- İqtisadiyyat
Pakistanda İstehlak Qiymətləri İndeksi ilə ölçülən pərakəndə satış inflyasiyası fevral ayında illik müqayisədə 31,5% artaraq 1974-cü ildən bəri ən yüksək illik göstəriciyə çatıb.
Bu barədə çərşənbə günü Pakistan Statistika Bürosu məlumat yayıb.
Məlumata görə, İQİ-nin artımına fevral ayında əsasən ərzaq məhsulları, içkilər və nəqliyyat xidmətləri qiymətlərinin 2022-ci ilin eyni ayı ilə müqayisədə 45% artması səbəb olub. Ötən ay təkcə spirtli içki və tütün məmulatlarının qiymətləri 47,59% artıb.
Qiymətlərin artmasına milli valyutanın ucuzlaşması ilə yanaşı, hökumətin mal və xidmətlər vergisini 17%-dən 18%-ə yüksəltməsi də təsir edib.
Pakistan rupisinin devalvasiyası səbəbindən ölkədə inflyasiyanın yaxın aylarda artmağa davam edəcəyini təxmin edilir.
