Neft hasilatının azaldılması ilə bağlı razılaşma ilin sonuna qədər davam edəcək
- 17-02-2023, 10:27
- İqtisadiyyat
![Neft hasilatının azaldılması ilə bağlı razılaşma ilin sonuna qədər davam edəcək](/uploads/posts/2023-02/326392003_1353095068847944_3939571531449317871_n.jpg)
OPEC+ alyansı çərçivəsində əldə olunan neft hasilatının azaldılması ilə bağlı razılaşma 2023-cü ilin sonuna kimi qüvvədə qalacaq.
Bu barədə cümə axşamı Səudiyyə Ərəbistanının energetika naziri Əbdüləziz bin Salman Əl Səud bildirib.
Nazir əlavə edib ki, alyansın üzvü olan ölkələr “yalnız dünya bazarında tələbin artmasının ilkin əlamətləri görünəndə hasilatı artıracaqlar”.
O, qeyd edib ki, hazırda hətta özü də bazarda tələbi proqnozlaşdıra bilmir.
“Mən tələbin artımına yalnız bunu həqiqətən görəndə inanacağam”, - deyə nazir bəyan edib.
Xatırladaq ki, OPEC+ sazişinin iştirakçısı olan ölkələr 2022-ci il oktyabrın 5-də keçirilən iclasda hasilatı sutkada 2 milyon barel azaltmağa razılaşıblar.