İsveç brendi Rusiyadakı biznesini və geyim ehtiyatlarını satır

İsveç pərakəndə satış şəbəkəsi H&M Rusiyadakı aktivləri üçün alıcı axtarır.

Satışa çıxarılan aktivlər arasında Rusiyanın 65 şəhərində H&M-in 170-ə yaxın mağazasının icarə hüququ, distribütor mərkəzi və 210 milyon dollar (357 milyon manat) dəyərində geyim ehtiyatları daxildir.

Qeyd edək ki, mart ayında şirkət Ukraynada müharibə ilə əlaqədar Rusiyadakı işini dayandırıb, iyulun 18-də isə ticarət şəbəkəsi Rusiya bazarından tamamilə çıxdığını elan edib.