“Beşiktaş” “qızıl dubl” etdi
“Beşiktaş” futbol üzrə Türkiyə Kubokunu da qazanıb.“Qartallar” finalda “Antalyaspor”un məğlubiyyətə uğradıb - 2:0. Qolları 3-cü dəqiqədə Jozef Souza, 30-cu dəqiqədə isə Valentin Rozyer vurub.
Beləliklə, “Beşiktaş” tarixində 10-cu dəfə Türkiyə Kubokunu qazanıb. “Ağ-qaralar” həm də 2009-cu ildən sonra ilk dəfə “qızıl dubl” edib.
Qeyd edək ki, Sergen Yalçının baş məşqçi olduğu komanda mayın 15-də Türkiyə çempionluğuna sahib olub.
