“Borussiya”da (Dortmund) çıxış edən Erlinq Holand onun son 15 ilin iki ən güclü futbolçuları  Lionel Messi və Kriştianu Ronaldu ilə müqayisə edənlərə cavab verib.  
Norveçli hücumçunun açıqlamasını Goal.com portalı dərc edib.  
20 yaşlı futbolçu bildirib ki, hazırda diqqətini öz oyununa yönəldib:
“Bu barədə jurnalistlər yazırlar. Ronaldu və Messi haqqında danışmağıma ehtiyacım yoxdur, onlar tarixin ən yaxşılarıdır. Onların qazandığı nəticələrdən hələ çox uzağam”.
Qeyd edək ki, Erlinq Holand 2020-ci ilin əvvəlindən “Borussiya”da çıxış edir.