Abşeronda gənc istədiyi qızı almadığı üçün anasını öldürüb? - TƏFƏRRÜAT + VİDEO
Xırdalanda oğulun anasını istədiyi qızı ona almadığı üçün öldürdüyü iddia olunur.
Hadisə zamanı hadisəni törədən Orxan Hüseynzadənin atası işdə, bacısı isə Bakıda olub.
Qeyd edək ki, oğlu tərəfindən qətlə yetirilən 1974-cü il təvəllüdlü Mehriban Hüseynzadə Abşeron rayon Mehdiabad qəsəbəsində yerləşən məktəblərin birində müəllim işləyirmiş.
Daha ətraflı Baku TV-nin süjetində:
09:11
Xırdalan şəhərində qətl hadisəsi baş verib.
APA xəbər verir ki, hadisə Xırdalan şəhərindəki Heydər Əliyev prospektində olub.
Belə ki, Hüseynova Mehriban Sabir qızı oğlunun bıçaqlı hücumuna məruz qalıb.
Oğlu M.Hüseynovaya əvvəlcə 21 bıçaq zərbəsi vurub.
Daha sonra o, xüsusi amansızlıqla anasının bədən üzvlərini ayıraraq sellofan torbalara yığıb.
Qadının meyiti hissələrə bölünmüş halda torbada evdə aşkar edilib.
DİN-in mətbuat xidmətindən APA-ya bildirilib ki, fevralın 19- da saat 1 radələrində Abşeron rayonu Xırdalan şəhərində evlərin birində 1974-cü il təvəllüdlü Mehriban Hüseynzadənın xüsusi amansızlıqla öldürülməsi barədə polisə məlumat daxil olub.
Araşdırmalarla cinayət əməlini qadının oğlu, 1998-ci il təvəllüdlü Orxan Hüseynzadə tərəfindən törədilməsinə əsaslı şübhələr müəyyən olunub.
Polis əməkdaşları tərəfindən O.Hüseynzadə tutularaq istintaqa təhvil verilib.
Araşdırmalar davam etdirilir.
