Avropadan daha 10 azərbaycanlı deportasiya olunub
- 26-12-2020, 10:12
- Hadisə
Almaniya və Belçikadan 10 azərbaycanlı deport olunub.''Azad Səs'' "Report''-a istinadən xəbər verir ki, bunlardan 6-sı Belçikadan, 4-ü isə Almaniyadandır.
Deportasiyaya səbəb həmin şəxslərin miqrasiya qanunvericiliyini pozmasıdır. Belçika və Almaniyadan çıxarılan azərbaycanlılardan 9-u Azərbaycan, 1-i isə Ukrayna vətəndaşıdır.
Qeyd edək ki, son dövrlər bir sıra sığınacaq almaq istəyən azərbaycanlıların bu statusu ala bilməmələrinə səbəb Avropa miqrasiya orqanlarına təqdim etdikləri saxta sənədlər olub. Bu, sənədlərin həqiqiliyinin Azərbaycanın müvafiq dövlət orqanlarına verilən sorğu ilə araşdırılması zamanı ortaya çıxır. Eyni zamanda, bu sənədlərin hazırda Almaniyada istintaqı davam edən “Mühacir alveri”i işində adı hallanan şəxslərdən biri vasitəsi ilə əldə edildiyi müəyyən olunub.
Xatırladaq ki, bu ayın əvvəlində 10-dan çox azərbaycanlının Almaniyadan deport olunduğu açıqlanmışdı. 2015-2017-ci illərdə Almaniyaya gələrək, bu ölkədən sığınacaq istəyən 4-ü bir ailədən olmaqla ümumilikdə 12 Azərbaycan vətəndaşı haqqında ölkədən məcburi çıxarılma ilə bağlı idarə məhkəmələri qərar verib.
