COVID-19-dan ölümü proqnozlaşdırmaq mümkün olub
- 21-10-2020, 17:19
- Dünya
“Oksford” və digər Britaniya universitetlərinin mütəxəssisləri COVID-19-dan ölümü təxmin edə biləcək alqoritm hazırlayıblar.''Azad Səs'' ''Report'' -a istinadən xəbər verir ki, bu barədə araşdırma BMJ jurnalında dərc olunub.
QCOVID alqoritmi insanlar haqqında mövcud məlumatları - onların yaşını, etnik mənsubiyyətini, xəstəlik tarixçəsini və s. “ələkdən keçirərək” kimin koronavirusu ağır formada keçirmək riskinin çox olduğunu müəyyənləşdirir.
Alqoritmin hazırlanması zamanı alimlər Britaniya xəstəxanalarındakı 19-100 yaş arası 6 milyon pasiyent, o cümlədən 4 384 COVID-19 xəstəsi haqqında məlumatlardan istifadə ediblər. Tədqiqatçılar onlar haqqındakı məlumatları (yaş, xəstəliklər, bədən kütləsi indeksi, etnik mənsubiyyət), xəstəxanada qalma müddətini və COVID-19-dan ölüm riskini müqayisə ediblər. Alınmış model aralarında 2 000-dən çox COVID-19 xəstəsi olan daha 2 milyon xəstə üzərində test edilib.
Tədqiqatçılar ölən COVID-19 xəstələrinin 70%-dən çoxunun ölüm vaxtını dəqiq şəkildə təxmin edə biliblər. Alimlər qeyd edirlər ki, model riski proqnozlaşdırmaq məqsədi daşıyır və ayrı-ayrı amillərin ona necə təsir etdiyini izah etmək məqsədi daşımır.
