XİN: Rusiya Macarıstan və Slovakiyanı dost olmayan ölkələr siyahısından çıxarmağı planlaşdırmır
- 18-12-2024, 12:10
- Dünya
“Report”un məlumatına görə, bu barədə “İzvestiya”ya Rusiya Xarici İşlər Nazirliyindən məlumat verilib.
Qeyd olunub ki, bu ölkələrin Rusiya ilə ticarət-iqtisadi əlaqələrin strateji əhəmiyyətli sahələrində bir sıra faydalı inkişafları saxlamaq istəyinə, habelə ikitərəfli siyasi dialoqun davam etdirilməsinə diqqət yetirmələrinə baxmayaraq, Budapeşt və Bratislava Avropa İttifaqı və NATO-ya üzv olduqlarına görə blok nizam-intizamına, o cümlədən Rusiya qarşı tətbiq edilən məhdudiyyətlərə riayət etmək məcburiyyətindədirlər:
“Bu baxımdan, onların hazırkı vəziyyətinə yenidən baxılması üçün kifayət qədər əsaslar yoxdur”.
2022-ci ildə Moskva Rusiyaya, onun şirkətlərinə və vətəndaşlarına qarşı qeyri-dost hərəkətlər edən xarici dövlətlərin və ərazilərin siyahısını təsdiqləyib. Macarıstan və Slovakiya da daxil olmaqla 46 ölkə və ərazi Rusiyanın “qara siyahı”sındadır.
