KİV: Estoniyanın Baş naziri Borreli Aİ-nin baş diplomatı vəzifəsində əvəz edə bilər
- 13-06-2024, 08:54
- Dünya
“Report” xəbər verir ki, bu barədə “Politico” Avropanın diplomatik dairələrindəki mənbələrinə istinadən yazıb.
“Avropa İttifaqında Aİ-nin rəhbərliyində əsas vəzifələrə namizədlərlə bağlı artıq ümumi fikir formalaşmağa başlayıb: Ursula fon der Lyayen Avropa Komissiyasının sədri, Robert Metsola isə ikinci dəfə Avropa Parlamentinin sədri seçiləcək. Portuqaliyanın sabiq Baş naziri Antoniu Koşta hazırda Şarl Mişelin tutduğu Avropa Şurasının rəhbəri vəzifəsinə namizəd hesab olunur, Estoniyanın Baş naziri Kayu Kallasın isə Aİ-nin Baş Avropa diplomatı vəzifəsinə baxılır", - nəşr yazır.
“Politico”ya görə, estoniyalı siyasətçi ilə bağlı az əminlik var. Nəşrin mənbələri qeyd edib ki, o, Avropa liberalları üçün çox yaxşı seçim kimi görünür. Kallas özü bu vəzifəni tutmaqdan çəkinməyəcəyini söyləyib.
İndiyə qədər Kallasın "coğrafi, siyasi və diplomatik baxımdan" bu vəzifəyə ideal uyğunluğu barədə fikir var.
Nəşrin mənbələrinə görə, iyunun 17-də Aİ-yə üzv dövlətlərin liderlərinin qeyri-rəsmi şam yeməyində daha konkret razılaşmalar baş tutmalıdır. Lakin liderlər iyunun 27-28-də görüşənə qədər rəsmi razılaşma olmayacaq.
