Tacikistan vətəndaşları üçün Türkiyə ərazisindən tranzit vizasız qalacaq

Tacikistan vətəndaşlarının Türkiyəyə səfəri üçün viza rejimi müvəqqəti tədbirdir. Bu ehtimalı Türkiyənin Düşənbədəki səfirliyinin nümayəndələri bildiriblər.

“Report” bu barədə TASS-a istinadən xəbər verir.

Eyni zamanda, diplomatik nümayəndəlik vurğulayıb ki, Tacikistan vətəndaşlarının Türkiyə ərazisindən keçməklə hava limanlarının neytral zonasında olan tranzit səfərləri vizasız qalacaq. Qeyd edilir ki, rejim aprelin 20-də tətbiq olunacaq, o vaxta qədər Tacikistan vətəndaşları Türkiyəyə vizasız gedə bilərlər.

Səfirlik icazə sənədinin alınması proseduru barədə ayrıca məlumat verəcəyini vəd edib.

Tacikistan Xarici İşlər Nazirliyinin Baş Konsulluq İdarəsinin məlumatına görə, ölkə vətəndaşları üçün 30 günə qədər Türkiyəyə vizasız giriş mümkün olub. Xidməti pasportu olanlar 60 gün müddətinə vizasız gələ bilər, diplomatik pasport sahibləri üçün isə 90 gün müddətinə ölkəyə giriş icazəsi verilir.