Məşhur siyasətçi Almaniyanın xarici işlər naziri sərt tənqid edib

Tanınmış almaniyalı siyasətçisi Sara Vaqenknext Almaniya Federativ Respublikasının xarici işlər naziri Annalena Berbokun “siyasətin vəzifəsi silahların susmasını təmin etmək deyil” ifadələrini kəskin şəkildə pisləyib.

“Report” xəbər verir ki, siyasətçi bu barədə feysbuk səhifəsində yazıb.

“Bəs onda siyasətin vəzifəsi nədir? Nə məsuliyyətsiz və təhrif olunmuş məntiqdir!”-deyə, o bildirib.

Bundan əlavə, Sara Vaqenknext Berbokun Avropa ölkələrinin “Rusiyaya qarşı müharibə aparması” ilə bağlı sözlərini xatırladıb və əlavə edib ki, nazir diplomatik kobud səhvləri sayəsində gözə çarpıb.

Sara Vaqenknext, həmçinin “Sol” partiyasından çıxmaq və gələcəkdə “ağıl və ədalət” tərəfdarı olacaq öz partiyasını yaratmaq niyyətini açıqlayıb. Sorğulara görə, almanların təxminən 14%-i onun gələcək partiyasını dəstəkləməyə hazırdır.

Qeyd edək ki, Rusiyaya qarşı müharibə elanı Berbok tərəfindən yanvarın 24-də AŞPA-nın iclasında səslənib. Bu bəyanata cavab olaraq Almaniya Xarici İşlər Nazirliyi aydınlaşdırıb ki, Ukraynaya dəstək Almaniyanın münaqişəyə qarışması demək deyil.

Bundan əlavə “Spiegel”in köşə yazarı Kristof Şultun yazdığına görə, Almaniyanın xarici işlər naziri Annalena Berbok Qətər Dövlətinin Əmiri şeyx Təmim bin Həməd Al Tani ilə görüşünü bəyanatlarına görə az qala pozacaqdı. Belə ki, əmir nazirin Almaniyanın ZDF telekanalına müsahibəsində söylədiyi fikirlərə görə çox qəzəblənib.

Görüşdən əvvəl Berbok televiziyada bildirib ki, Qətər əmiri ilə danışıqlarının əsas mövzularından biri “terrorizmi himayə etməyi dayandırmaq” tələbləri olacaq.