ABŞ, Britaniya və daha bir neçə ölkə süni intellekti “quruluşca daha təhlükəsiz” etmək üçün razılaşıblar

ABŞ, Böyük Britaniya və ondan çox başqa ölkə şirkətləri “quruluşca daha təhlükəsiz” süni intellekt yaratmağa təkan verməklə süni intellekti fırıldaqçılardan necə qorunacağına dair ilk təfərrüatlı beynəlxalq saziş imzalayıblar.

“Report” “Reuters”ə istinadən xəbər verir ki, bu barədə yüksəksəviyyəli amerikalı məmur bildirib.

Bazar günü təqdim edilmiş 20 səhifəlik sənəddə 18 ölkə süni intellekt tərtib edən və istifadə edən şirkətlərin onu müştəriləri və daha geniş ictimaiyyəti sui-istifadədən qoruyacaq şəkildə inkişaf etdirməli və tətbiq etməli olduqları barədə razılığa gəliblər.

Saziş məcburi xarakter daşımır və əsasən süni intellekt sistemlərinin sui-istifadəyə qarşı monitorinqi, verilənlərin saxtalaşdırılmasından qorunması və proqram təminatı təchizatçılarının yoxlanılması kimi ümumi tövsiyələri özündə əks etdirir.

Qeyd olunub ki, ABŞ və Böyük Britaniyadan başqa imzalamış 18 ölkə arasında Almaniya, İtaliya, Çexiya, Estoniya, Polşa, Avstraliya, Çili, İsrail, Nigeriya və Sinqapur var.

Çərçivə razılaşması intellekt texnologiyasının hakerlər tərəfindən oğurlanmasının qabaqlanması ilə bağlı məsələlərlə məşğul olur və yalnız müvafiq təhlükəsizlik testindən sonra modellərin buraxılması kimi tövsiyələri ehtiva edir. Orada süni intellektin düzgün istifadəsi və ya bu modellərdə işlənən verilənlərin necə toplandığı ilə bağlı kəskin suallara cavab verilmir.