Müharibə başlayandan bəri ilk dəfə Zelenski Ukraynadan çıxıb
Ukrayna Prezidenti Volodimir Zelenski Polşadadır.
Bu barədə Polşa prezidentinin xarici siyasət üzrə müşaviri Marçin Pjidaç deyib.
“Prezident Zelenskinin Polşa sərhədini keçdiyini deyə bilərəm”, - deyə Pjidaç yerli TVN24 telekanalına bildirib, ancaq təfərrüatı açıqlamayıb.
Bildirilir ki, Zelenskinin Polşa Prezidenti Andjey Duda ilə görüşü, həmçinin bu ölkədə yaşayan polyaklar və ukraynalılar qarşısında çıxış edəcəyi gözlənilir.
Bu, Ukrayna prezidentinin Rusiyanın müharibə başlatmasından bəri xaricə öncədən elan edilmiş ilk səfəridir.
