Bolqarıstanda COVID kabusu geri qayıtdı: Məhdudiyyətlər tətbiq edildi
- 7-10-2022, 11:18
- Dünya
Bolqarıstanın Səhiyyə Nazirliyi cümə axşamı ölkədə COVID-19-a yoluxma hallarının sayının artması ilə əlaqədar məhdudiyyətlər tətbiq etdiyini açıqlayıb. Müvafiq sərəncam agentliyin saytında dərc olunub.Məhdudiyyətlər oktyabrın 12-dək qüvvədə olacaq və tibb müəssisələrində mütləq qoruyucu maskaların taxılması, fiziki məsafənin saxlanması, binaların dezinfeksiya edilməsi və havalandırılması ilə bağlı olacaq.
Həmçinin virus xəstəliyinin əlamətləri olan insanların iş yerlərindən, məktəb və uşaq bağçalarına daxil olmasının qarşısını almaq tövsiyə olunur.
Ölkənin Səhiyyə Nazirliyinin vahid informasiya portalının məlumatına görə, 6,5 milyonluq Bolqarıstanda son sutka ərzində 721 nəfər COVID-19-a yoluxub. Dörd xəstə infeksiyanın yaratdığı fəsadlardan dünyasını dəyişib. Ölkə xəstəxanalarına 625 nəfər yerləşdirilib, onlardan 47-si reanimasiya şöbələrindədir. Hazırda Bolqarıstanda 9,8 mindən çox insan koronavirusa yoluxub.
