Ukraynada müharibə zamanı həlak olan uşaqların sayı açıqlandı
Rusiyanın Ukraynaya təcavüzü başlayandan bu yana 1042 uşaq zərər çəkib.Onlardan 358-i müharibənin qurbanı olub.
Bu barədə Ukrayna Baş Prokurorluğunun mətbuat xidmətindən məlumat verilib.
Bildirilib ki, hərbi əməliyyatlar nəticəsində 684 azyaşlı yaralanıb.
Qurumun məlumatına görə, ən çox uşaq (361) Donetsk vilayətində zərər görüb.
Xarkovda 194, Kiyevdə 116, Çerniqovda 68, Luqanskda 61, Nikolayevdə 54, Xersonda 54, Zaporojyedə 40 azyaşlı müharibədən zərər çəkib.
Həmçinin, bombardmanlar nəticəsində Ukraynada 2188 təhsil müəssisəsinə ziyan dəyib. Onlardan 221-i tamamilə məhv edilib.
