Yaponiya Rusiyaya qarşı yeni sanksiyalar tətbiq edib
Yaponiya Rusiyaya qarşı əlavə sanksiyalar tətbiq edib.Bunu cümə axşamı, mayın 5-də baş nazir Fumio Kişida Londonda Böyük Britaniyanın baş naziri Boris Conson ilə danışıqlardan sonra keçirilən mətbuat konfransında bildirib.
Kişidanın sözlərinə görə, yeni məhdudiyyətlər paketi dörd əsas sahədən ibarətdir.
Tədbirlər siyahısına 140 fiziki şəxsin aktivlərinin dondurulması da daxildir.
Bundan əlavə, Yaponiya sanksiya məhdudiyyətlərinə məruz qalacaq Rusiya banklarının siyahısını genişləndirib.
Eləcə də Rusiyaya qabaqcıl texnologiyaların idxalına, xüsusən də kvant kompüterlərinin tədarükünə qadağa qoyub. Həmçinin, Rusiya hərbi-sənaye kompleksi ilə əlaqəli şirkətlərə lazımi məhsulların tədarükünə qoyulan qadağa genişləndirilib.
Xatırladaq ki, dünən Rusiya Yaponiyanın 63 vətəndaşının, o cümlədən də Kişidanın ölkəyə girişinə qadağa qoyub.
