Türkiyədə dağıntılar altından 13 nəfər çıxarıldı - Video+Yenilənib
Türkiyənin Malatya şəhərinin İnönü rayonunda ikimərtəbəli bina uçub.“Qafqazinfo” Türkiyə mediasına istinadən xəbər verir ki, dağıntılar altında xeyli sayda insan qalıb. Hadisə yerinə xilasedicilər, təcili yardım maşınları göndərilib.
Hazırda 2 nəfərin dağıntılar altından yaralı halda çıxarıldığı bildirilir.
Məlumata görə, binanın birinci mərtəbəsində restoran fəaliyyət göstərib. Uçqunun səbəbi hələlik bilinmir.
***
Dağıntılar altından 8 nəfər çıxarılıb. Onlar xəstəxanaya yerləşdirilib.
***
Uçqun altından yaralı halda çıxarılanların sayı 9 olub. Dağıntılar altında ümumilikdə 20 nəfərin qaldığı ehtimal olunur.
***
Dağıntılar arasından 11 nəfər yaralı halda çıxarılıb. Qəzaya səbəb kimi təmir işləri zamanı səhvə yol verilməsi göstərilir. Binanın 50 yaşı olub.
***
Dağıntılar altından daha 2 nəfər çıxarılıb. Bununla da xəsarət alanların sayı 13 nəfər olub.
***
Türkiyə daxili işlər nazirinin köməkçisi İsmail Çataklı açıqlamasında hadisə zamanı ölənin olmadığını bildirib. Onun sözlərinə görə, kiminsə itkin düşməsi ilə bağlı məlumat da daxil olmayıb.
***
Türkiyə daxili işlər naziri Süleyman Soylu tvitter hesabında axtarma-xilasetmə işlərinin başa çatdığını bildirib. Qurum rəhbəri insan təlafatının olmadığını bildirib.
