Pakistanın cənub-qərbində terrorçulara qarşı əməliyyat keçirilib
Pakistanda təhlükəsizlik qüvvələri ölkənin cənub-qərbində terrorçulara qarşı əməliyyat keçirib.“Report” TASS-a istinadən xəbər verir ki, əməliyyat Bəlucistan əyalətində gerçəkləşdirilib.
Bildirilib ki, əyalətin Loralai rayonunda ekstremistlərin düşərgəsi mühasirəyə alınıb.
Əməliyyat nəticəsində 7 terrorçu zərərsizləşdirilib, təhlükəsizlik qüvvələri əməkdaşları arasında itki qeydə alınmayıb. Böyük miqdarda silah-sursat ələ keçirilib.
