İsveçin ən yüksək dağ zirvəsi buzlaqların sürətli əriməsinə görə kiçilib

Buzlaqla örtülü olan İsveçin ən yüksək dağ zirvəsi Kebnekaysenin cənub zirvəsində sürətli ərimə qeydə alınıb.

Bu səbəbdən dağın hündürlüyü təxminən iki metr azalıb və indi dəniz səviyyəsindən 2 094.6 metr yüksəklikdə yerləşir.

Bu barədə Stokholm Universitetindən məlumat verilib.

Hazırda Kebnekaysenin ən yüksək zirvəsi buzlaq olmayan şimal zirvəsidir.

Şimal zirvəsinin hündürlüyü 2 096.8 metr təşkil edir.

Qeyd edək ki, BMT-nin İqlim Komissiyasının son hesabatında qlobal istiləşmənin buzlaqların görünməmiş əriməsinə səbəb olduğu vurğulanıb.