72 saylı Cəlilabad kənd seçki dairəsi üzrə yaşı 100-dən yuxarı olan 1 nəfər səs verəcək

72 saylı Cəlilabad kənd seçki dairəsi üzrə yaşı 100-dən yuxarı olan 1 nəfər Azərbaycan Respublikası Milli Məclisinə növbədənkənar keçirilən seçkilərdə səs verəcək.

"Report"un Muğan bürosunun məlumatına görə, o, 41 saylı seçki məntəqəsində qeydiyyatda olan 1924-cü il təvəllüdlü Surə Mirzəyevadır.

Bildirək ki, 47 755 seçicisi olan seçki dairəsinin hüdudları daxilində 45 seçki məntəqəsi mövcuddur. 72 saylı Cəlilabad kənd seçki dairəsi üzrə 7 namizəd qeydə alınıb. 3 namizəd partiya tərəfindən, 4 namizəd isə öz təşəbbüsü ilə namizədliyini irəli sürüb.

Dairə üzrə 5 məntəqədə veb kameralar quraşdırılıb.