Bu maskalar virusdan daha yaxşı qoruyur - SİYAHI
- 14-12-2020, 10:10
- Cəmiyyət
Amerikalı alimlər müxtəlif növ maskaların koronavirusdan qorunmada nə qədər effektiv olduğunu təyin ediblər.''Azad Səs'' Publika.az-a istinadən xəbər verir ki, bu barədə "Eurekalert" nəşri məlumat yayıb.
Tədqiqat zamanı müəyyən edilib ki, müxtəlif növ maskalar effektivlik baxımından bir-birindən əsaslı şəkildə fərqlənir. Beləliklə, ən böyük müdafiəni qoruma N95 respiratorları (98 faiz) və tibbi məhsullar təmin edir - fiksasiya növündən asılı olaraq prosedur maskalar müdafiəni 38,5 ilə 80 faiz arasında təmin edir.
Mütəxəssislər bildiriblər ki, ən yaxşı qorunmaq üsulu neylon corabı maska üzərindən çəkmək (80 faiz qoruma) və ya onu dəftərxana rezini ilə bərkitməkdir (78 faiz). Maskanı mümkün qədər üzə sıxması və qulaq ilmələrini bağlaması daha da effektiv nəticə verə bilər. Cərrahi maskalar da yaxşı nəticə göstərir. Bu növ maskaların insanları qoruması 71,4 faizdir.
Məişət maskaları arasında ən effektivli iki qat neylon maskalardı. Həmin maskalar virusdan qorunmanı 74-79 faiz təmin edir.
